屯門赤鱲角隧道公路(下稱屯赤隧道)於12月26日正式通車,人人都說會對屯門區樓市會產生正面影響,但到底有影響有多大?專營屯門、天水圍元朗二手市場的祥益地產,其總裁汪敦敬認為屯赤隧道通車對屯門區產生結構性改變,不諱言「好似沙士咁,唔買就會後悔」,因為「以前人哋問你屯門喺邊,你會話喺新界西,依家可以話喺機場隔離,你話有冇影響?」

屯門赤鱲角隧道12月26日正式通車,祥益地產總裁汪敦敬認為對屯門區樓市會產生結構性改變。
屯門赤鱲角隧道12月26日正式通車,祥益地產總裁汪敦敬認為對屯門區樓市會產生結構性改變。( 圖片來源︰政府新聞網 )

延伸閱讀:一手樓購買流程二手樓購買流程 購買二手樓 — 5招實用鋤價技巧購買二手樓簽約前要注意咩?物業印花稅計算懶人包按揭貼士如何解決銀行估價不足問題?驗樓清單管理費究竟是怎麼煉成的?如何避免購入凶宅 │破解化妝樓裝修指引買村屋須知

汪敦敬說︰「依家喺屯門,正常情況下揸車只係要用10分鐘就去到機場,若果又係揸車,去珠海車程嘅時間同出尖沙咀亦都係差不多,隧道直接令到珠海區同香港嘅互通性上升……用宏觀啲嘅角度睇,屯赤隧道通車可以等同標誌著港珠澳大橋嘅真正通車,你自己話對屯門區樓市會唔會有正面影響?我相信(屯赤隧道通車)對香港大約200萬人口,會產生良性影響喇。」

即睇屯門600萬元以下筍盤

屯赤隧道雖然只是剛剛通車,但市場已開始反映利好因素。汪敦敬說:「由於屯赤隧道通車,呢排樓市焦點確係聚焦在喺屯門區,喺上個月計埋天水圍嘅區內二手樓市場就已經有反應,最近呢兩個禮拜區內成交,就較前兩個禮拜(大約12月初)大增2倍多,賣家議價空間亦沒有擴闊,代表看好人士明顯多左。」

他繼稱︰「(市況好)另一個重要指標就係近排屯門區放盤量減少左,仲要喺不同檔次樓盤、無論係私樓或者資助房屋都減少左喎,大約減少左2%至5%,雖然只係剛剛發生,但就反映業主開始惜售,簡單嚟講就係看好樓價。若以簡單嘅兩分法作劃分,我覺得業主嘅心態,已由早前悲觀變為中性。」汪敦敬特意揀選數個熱門二手「低水盤」,讓有興趣在區內置業人士參考。

屯赤隧道通車「低水盤」精選 ( 啟豐園/新屯門中心/嘉悅半島)

1.啟豐園

汪敦敬說︰「要我推介,我嘅首選係啟豐園,近屯門碼頭南,400幾萬就買到有有兩間梗房嘅單位,出九龍都係40多分鐘。若果要平啲但同樣要近屯門碼頭,就可以揀居屋兆禧苑,面積差唔多喺自由市場賣398萬,過份地低。」啟豐園4座中層E室近日易手,面積約326平方呎,兩房間隔,458萬元成交,呎價14049元,屬市價。啓豐園有4座 大廈,提供896個單位。

啟豐園
啟豐園 ( 圖片來源:維基 )

即睇啟豐園筍盤

兆禧苑B座一個低層12室單位,面積338平方呎,1房間隔,於12月初就以395萬(自由市場價)沽出,呎價為11686元,亦屬市價。兆禧苑共有5座住宅大廈,共提供 2800個單位。

即睇兆禧苑筍盤

兆禧苑 ( 圖片來源︰維基 )
兆禧苑 ( 圖片來源︰維基 )

2.新屯門中心

汪敦敬說︰「要大啲又近屯門市中心啲嘅,可以考慮新屯門中心,590多萬就可以買到3房單位,仲係新鴻基樓添。」新屯門中心4座高層D室早前錄得成交,單位實用面積為603平方呎,5月叫價688萬元,最後累減79萬元至609萬出售,呎價10100元。據悉,新買家為外區上車客,於東涌返工,看準屯赤隧道通車後可縮短上班時間而在該區置業。

新屯門中心 ( 圖片來源︰維基 )
新屯門中心 ( 圖片來源︰維基 )

新屯門中心是港鐵輕鐵車廠運用庫上蓋物業,建有10幢每幢樓高44層的住宅,合共提供3500個單位。單位主要分為2房2廳及3房2廳兩款間隔,建築面積介乎500多至700多平方呎。

即睇新屯門中心筍盤

3.嘉悅半島

汪敦敬說︰「若要屯門區內樓齡年輕啲嘅,嘉悅半島係唔錯嘅選擇,10多年樓齡,入場單位叫價大約580萬元,視乎景觀,有會所。」嘉悅半島早前錄得一宗兩房成交,單位為2座低層A室,面積442平方呎,540萬成交,呎價約12217元。2002年開始入伙的嘉悅半島共有2座,提供429個單位,屋苑單位實用面積由434呎至609呎不等。

即睇嘉悅半島筍盤

4. 南浪海灣

千萬元價位亦有好選擇,汪敦敬指如南浪海灣1座低層H室,實用面840平方呎,3房套廁再加工人房,現時叫價大約1000萬。近日南浪海灣較細單位錄得成交,單位為2 座高層C 室,實用面積540 平方呎,兩房間隔。原業主原本叫價約700 萬元放盤,雙方議價後以665 萬元成交,實用呎價約12315 元。屋苑於2000年起入伙,共有5座,提供1264個單位,實用面積由522平方呎至844平方呎。

即睇南浪海灣筍盤

屯赤隧道通車「低水盤」精選
啟豐園 共有4座 大廈,提供896個單位,鄰近屯門碼頭
兆禧苑 居屋,共有5座住宅大廈,提供 2800個單位,鄰近屯門碼頭
新屯門中心 港鐵輕鐵車廠運用庫上蓋物業,有10幢每幢樓高44層的住宅,共提供3500個單位
嘉悅半島 2002年開始入伙,共有2座,提供429個單位,有會所
南浪海灣 2000年起入伙,共有5座,提供1264個單位