方氏家族曾參與發展星光行

產商，方松鏗笑說：「我爸爸做出入口貿易，我地公司叫利安，幾十年前已經開始做地產，早期我地同恒生、霍英東有合作，最尾發展個項目係尖沙咀星光行，我地間公司佔四分一。」除星光行外，公司於香港曾發展項目還有西貢清水灣道壁屋、松濤苑、上環億利商業大廈等。

近年淡出本港地產圈子

不過，近十幾年方氏家族已經淡出香港地產圈子。他說：「我哋家只係有啲物業收吓租，已經無做地產，農地就仲有好多，西貢有，呢度（沙螺洞）附近都有，我個仔自己打工，唔做呢行。」社會上姓方的名人有好多，好像方潤華、方剛、方安生之類，問到家族與他們有沒有親戚關係，方松鏗強調：「無關係，我地一直好低調，家族無咩名人。」

然而，家族突然於本港房地產市場「消失」，難免令人聯想是否與沙螺洞發展有關，方氏否認：「唔係因為呢個項目而淡出地產界，每個家族有每個家族的政策，我哋淡出係唔想再aventure（冒險）喺地產行業上。到我哋唔做時人地就搏命做，變得好大，我哋就越整越細。」