堪稱港島區「校網王」的11校網,名校林立,不少政商界名人都是讀這區的小學出身,例如聖士提反女子中學附屬小學,培育過立法會前主席范徐麗泰;另一位前主席曾鈺成,就讀過11校網入面嘅聖公會聖彼得小學。

當然,曾了解過小一派位程序嘅家長都知道,如果喺自行分配學位階段未能成功爭取到學校,去到「統一派位」階段,好大程度是隨機派、講運氣,到時莫講話入名校,只要不能派到一間差嘅學校已經好好。所以,於「統一派位」階段,校網入面學校嘅平均水平,就非常重要。

尋找11校網筍盤

11校網有16間資助或官立學校,基本上冇一間算係「差」,所以都有人形容呢個校網冇得輸,係非常穩陣之選。

2019 年度小一入學統一派位選校名單

學校名稱授課時間學校類別資助類別宗教暫定統一派位學額學校地址
嘉諾撒聖心學校下午資助天主教70香港中環堅道26號
新會商會學校全日男女資助 33香港上環居賢坊1號
英皇書院同學會小學全日男女資助 25香港必列者士街58號
英皇書院同學會小學第二校全日男女資助 35香港上環普慶坊40號
聖公會聖馬太小學全日男女資助基督教25香港上環新街12-20號
聖公會呂明才紀念小學全日男女資助基督教50香港堅尼地城加惠民道31號
聖嘉祿學校全日男女資助天主教30香港堅尼地城蒲飛路25號
聖公會聖彼得小學全日男女資助基督教84香港山道70及88號
聖士提反女子中學附屬小學全日資助基督教48香港柏道33號
香港潮商學校全日男女資助 50香港薄扶林道79號B
聖公會基恩小學全日男女資助基督教42香港荷李活道109號
天主教總堂區學校全日男女資助天主教35香港律打街
李陞小學全日男女官立 33香港西營盤高街119號
般咸道官立小學全日男女官立 27香港般咸道9號A
聖安多尼學校全日男女資助天主教43香港薄扶林道69號A
中西區聖安多尼學校全日男女資助天主教45香港醫院道2號

另外,11校網入面嘅聖士提反女子中學附屬小學同嘉諾撒聖心學校,都有直屬中學,兼且都係名校。因為直屬中學要保留統一派位階段嘅85%學位俾佢哋,所以入到呢兩間學校,6年之後嘅中學派位,只要小朋友表現唔太差,都好大機會可以升上去,真真正正贏在起跑線。

揀樓心得

11校網主要屋苑

屋苑單位數目樓齡 (年)
均益大廈2,50442-46
寶翠園2,21319-20
泓都1,18816
帝后華庭1,14834
嘉輝花園 912 34
高樂花園72035

11校網入面,薄扶林寶翠園可以話係最具規模嘅大型屋苑,屋苑由6座大廈組成,共有2,213伙,3房連套房嘅大單位佔全盤超過一半,對預算充裕嘅家長嚟講,係唔錯嘅換樓選擇。

寶翠園建於半山之上,好多單位都望到海景。唔好以為半山就一定交通不便,港鐵香港大學站C1出口就喺屋苑一街之隔,距離只係約150米,非常方便,由該站搭車到中環車程只係6分鐘,隨時快過揸車。屋苑基座為西寶城商場,住客亦可以經商場到石塘咀,基本生活配套齊全。

尋找11校網租盤

區內另一焦點泓都位處堅尼地城海旁,屬市建局重建項目,開則以兩房單位為主,比例接近七成。3座大廈以第1座最臨海,景觀遼闊,不過後面嘅第2、3座都有唔少單位望到海景;由屋苑行去堅尼地城站步程唔使5分鐘。

上環帝后華庭,同樣係市建局項目,樓齡相若,亦都擁有鄰近港鐵西營盤站嘅地利,但不設會所。泓都同帝后華庭都有提供1房細單位,可以話係平價進駐區內大型屋苑嘅入場單位。