今屆美國大選雖富戲劇性,總統大選正式結果一直都未有公怖,更消息滿天飛,仲傳第一夫人梅拉尼婭同老公離婚,花邊新聞好睇過大選。其實美國選邊個總統關香港乜嘢事,只是香港人細胞裡充滿好奇,對名人花邊新聞特別喜愛,總統特朗普只在這時間投其所好,爭取另類新聞見報,轉移大選點票視線。

基匯資本以接近100億元購太古城中心1座全幢商廈,較年前收購三及四期樓面呎價便宜了25%。
基匯資本以接近100億元購太古城中心1座全幢商廈,較年前收購三及四期樓面呎價便宜了25%。

回頭看香港,股市仍然波動,反而樓市一片好景,發展商趁段檔期加快賣樓,尤其是一些中小型盤和鐵路盤計落,自11月起已經賣咗近千伙,連同其他加入戰團的貨尾盤,可算是非常熱鬧。日前無喇喇傳出放寛工商舖辣稅,買家可以唔駛畀雙倍印花稅,即刻有人指成交量可以急升五成。

老樓認為放風者有心,靜了近年的工商舖,租金及售價有明顯回落,但跌幅唔多夠,可能因為以前升得太急,宜家跌一、兩成都唔夠喉,班地產代理嗌哂救命,仲有啲要轉做住宅搵番啲幫補。不過,始終唔係自己熟悉個瓣,車錢都蝕埋, 政府依家仲未攞到大陸個邊手喻,可以放鬆入境限制,零售業未見有曙光住,所以租售價根本未見底,買家依然十五十六,除非一線舖租務好番啲,否則難以叫好。

最近基金公司基匯資本,以接近100億元,向太古A和太古地產購入鰂魚涌太古城中心1座全幢商廈較為側目,此基金由多年前收購尖沙咀洲際酒店起,不斷收購優質物業,宜家收購了太古城全部商廈(三及四期乃部份樓面),而且收購價較年前收購三及四期樓面,呎價便宜了25%,可稱得上「執筍盤」。

要知道現時港島東區商廈呎租,由過去高峰期拉窄了與中環甲級商廈距離,而且在市道低迷之下,若以呎價16,000元計算,回報率約3厘左右已經好好。

太古賣產欲集中資金搞好毗鄰太古坊和金鐘太古廣場商業組合,以舊換新因不用拿出太多資金,已經是較穩陣的投放策略,看不到有撤資的企圖,只是彼此的投資方向不同,都是行穩健路線好啲。

當一位買家知道業主等錢用之時,可以大膽還價,在商廈市場可以用,在住宅市場亦可以套用,但有多少個業主會話你知等錢駛,被你鋤價咁儍咩;若果平得滯嗰單位是否有污漕嘢先至咁平,要找筍盤乃一閃即逝。

延伸閱讀︰【專家分析】後生仔女擔心份工 多過買唔到樓