樓市不跌!有人話唔夠供應、亦有人話兩年持續低息、最多人講係資金太多有需求,無他,等同看淡樓市的人,包括在下,亦有看淡的原因,要數一大堆不利因素實在太多;所以物業市場便出現沽家和追家的搏奕,在過去無話邊個啱與錯,因為每人的賣樓和買樓的原因也不同,不可相提並論。

「筍盤」增多,上車時機來臨?圖為本木單位模型。
「筍盤」增多,上車時機來臨?圖為本木單位模型。

在網上好易找到一些網民心聲,最近看到一位五年前賣樓的人博文,甚後悔當時賣樓,宜家要高價追回,仲白白交了兩年租;換過另一個角度講,自己層樓舊咗,在那時能以高價賣出的話,又無話錯哂,而且宜家重新入市仲換好咗居住環境,凡事向理性方面諗,其實當日唔賣、今日不會買。

另外亦有個案年前買了居屋,不足三年把居屋轉售賺了兩球,傳媒標題起為「居屋都有人炒」;或者當時呢位仁兄未夠錢買私樓,可能想快點成家立室呢?大家都了解買居屋亦要講彩數,想買也要被抽到先;亦有機會住落後想搬大啲,或追求另一種生活方式,因此冇話好彩定唔好彩,有賣首先要有大買,等於年前首批綠置居個個賺一倍,必定有其他人眼紅。

今年無論看好定看淡,也要看看有沒有這個需要,若果第一層樓供得辛苦的話,咪遲啲先買也不遲,橫掂今年樓價打橫行居多,今日未賣可能明天有更好的選擇;好似政府居屋咁,今明兩年有很多市區新居屋供應,即使首置居屋,位於安達臣道的項目,也計劃今年開售,因此機會仍有很多。

看最近成交的亦不乏優質豪宅或者比較罕見的單位,業主在此刻放售不排除兩個原因,需要資金趁早套現,或者自己新買物業需要賣樓退稅等,看回成交單大家都了解買居屋亦要講彩數,想買也要被抽到先;亦有機會住落後想搬大位之中,不少需要落價甚至蝕貨賣,反映了急的程度真的很急,唔等個市好番啲先賣,看淡的人明顯較去年多咗,而執到筍盤的機會亦增加,若然真的是如代理指,樓價即將反彈的話,代表閣下已經入啱市,應該替你們高興。

有人問老樓點睇,前述已講,由於優質貨多咗,價錢必定較普通單位高,因此要買貨要等耐少少,等類似呢批優質筍盤的出現;若然個市依然牛皮下去,終有批要錢的業主要出貨,不妨大膽少少。至於優質貨以外的劣質單位,除非真係平好多,否則少掂為上,因為樓市轉落劣質貨更沒有市場,隨時變蟹。

還有今月開售的全新樓盤,若然開價平實,貼實市價的話,二手在那時更弱勢,一來客源又會走去新盤,二來班經紀又唔會理二手業主,看形勢第一季長期維持一手旺、二手靜的局面。

延伸閱讀︰【專家分析】東涌樓急彈 國泰裁員效應高於隧道通車